Peter Harding

Cadeirydd y Bwrdd

Llenwodd Peter swydd a ddigwyddodd ddod yn wag ar y Bwrdd yn 2019 ac fe’i etholwyd i’r Bwrdd yn 2020. Bu’n rheolwr ym maes tai, gan arbenigo mewn llety â chymorth, rheolaeth ranbarthol a datblygu polisi, yna bu’n was sifil i Lywodraeth Cymru. Mae wedi rhedeg ei fusnes ei hun ac ar hyn o bryd mae’n gyfarwyddwr Partneriaeth Cadenza. Mae ganddo brofiad helaeth yn y trydydd sector, mae’n Gadeirydd Cardiff Pedal Power ac yn Drysorydd Canolfan Gelfyddydau Llantarnam Grange. Mae ganddo radd Meistr mewn Gweinyddiaeth Gyhoeddus.

Mae Peter yn aelod o’r Pwyllgor Pensiynau.

Christine Salter

Cadeirydd y Pwyllgor Pensiynau

Cyfetholwyd Christine i’r Bwrdd yn 2019 ac fe’i hetholwyd yn 2020. Mae Christine wedi bod yn gyfrifydd cymwys ers 40 mlynedd a threuliodd ei gyrfa mewn llywodraeth leol, lle’r oedd yn gyfrifol am ystod gyfan y gwasanaethau cymorth ar gyfer y cyngor mwyaf yng Nghymru. Mae ganddi brofiad helaeth ym maes cyllid corfforaethol, rheolaeth strategol, datblygu polisi a chynllunio ariannol. Ers iddi ymddeol yn 2019, mae Christine wedi bod yn gwirfoddoli gyda phlant ac oedolion agored i niwed ac mae’n gyfaill dementia.

Mae Christine yn aelod o’r Pwyllgor Archwilio a Sicrwydd.

Ivor Gittens

Aelod Bwrdd

Cyfetholwyd Ivor i’r Bwrdd yn 2019. Ar ôl dilyn gyrfa lawn yn yr Awyrlu Brenhinol, bu’n gweithio i’r Weinyddiaeth Amddiffyn fel Swyddog Hyfforddiadol. Mae ganddo brofiad helaeth ym maes gwirfoddoli, bu’n aelod o Bwyllgor Prawf De Morgannwg a bu’n aelod o Awdurdod Heddlu De Cymru hefyd. Yn ogystal, treuliodd Ivor gyfnod fel aelod o Fwrdd Monitro Annibynnol Carchar Y Parc ym Mhen-y-bont ar Ogwr ac mae’n aelod o gorff llywodraethu dwy ysgol yng Nghaerdydd.

Lynnette Glover

Aelod Bwrdd

Penodwyd Lynnette i’r Swydd Wag Achlysurol ar y Bwrdd ym mis Mai 2025. Mae ganddi brofiad helaeth yn y sector tai yng Nghymru, fel Cyfarwyddwr Tai ac fel Aelod o Fwrdd cymdeithas tai trosglwyddo stoc lle bu’n cadeirio nifer o bwyllgorau. Mae hi’n aelod o’r Sefydliad Tai Siartredig ac mae ganddi ôl-raddedig mewn Tai.

Craig Hopkins

Aelod Bwrdd

Cyfetholwyd Craig ar y Bwrdd ym mis Rhagfyr 2024 a’i hethol i’r Bwrdd yn 2025. Ar ôl graddio, bu’n gweithio ym maes llywodraeth leol am ddegawd, mewn adrannau Budd-daliadau ac Archwilio. Ar hyn o bryd, mae Craig yn arwain rhwydwaith o eglwysi yn Ne Cymru ac mae’n weinidog arweiniol eglwys yn Sir Pen-y-bont ar Ogwr. Mae’n gwasanaethu fel ymddiriedolwr cenedlaethol yr eglwys/elusen y mae’n weinidog iddi, gyda changhennau ar draws y DU ac Iwerddon, ac mae ganddo gyfrifoldebau penodol dros ddiogelu.

Roger Lee

Aelod Bwrdd

Cyfetholwyd Roger ar y Bwrdd ym mis Rhagfyr 2024 a’i hethol i’r Bwrdd yn 2025. Mae gan Roger brofiad sylweddol yn y sector Bancio Masnachol a Chorfforaethol, ar ôl ymuno â NatWest ym 1990 yn y lle cyntaf, ac yna ymuno â Santander yn 2001, cyn ymddeol yn 2021. Roedd ei waith yn canolbwyntio ar ddarparu cyllid ar gyfer cymdeithasau tai ar draws y DU, a threuliodd 10 mlynedd olaf ei yrfa fel pennaeth tîm tai cymdeithasol Santander, gyda chyfrifoldeb dros reoli tua 150 o brif berthnasoedd gyda chymdeithasau tai ac un o’r portffolios benthyca corfforaethol mwyaf yn y sector. Roedd hefyd wedi ysgogi a meithrin perthnasoedd gydag ystod amrywiol o arbenigwyr yn y sector, gan gynnwys cyfreithwyr, priswyr, cynghorwyr, rheoleiddwyr a chyrff masnachol. Mae Roger hefyd yn gyfarwyddwr anweithredol gyda Bromford Flagship, darparwr cofrestredig mawr gyda 80,000 o gartrefi ar draws dwyrain, canolbarth a de-orllewin Lloegr.