Ein 60fed cartref eleni

Yn ystod y flwyddyn pan ddathlom ein pen-blwydd yn 60 oed, trosglwyddwyd yr allweddi i’r 60fed cartref i ni ei adeiladu yn 2025 ym Mharc y Chwarel yn Abergwaun.

Mae’r byngalo yn un o 50 o dai, fflatiau a byngalos ym Maesgwyn, yn Sir Benfro. Adeiladwyd y rhain ar safle hen farics y Fyddin, ac fe’u cwblhawyd gan ein partneriaid adeiladu, Jones Brothers (Henllan) Ltd, a dechreuodd y preswylwyr symud i mewn ym mis Tachwedd.

Yn Llys Onnen yn Abergele, rydym hefyd wedi dechrau croesawu’r preswylwyr newydd i’w cartrefi newydd. Adeiladwyd y datblygiad ar safle hen gartref gofal, a ddymchwelwyd er mwyn creu lle ar gyfer 43 o fflatiau. Adeiladwyd y cartrefi newydd gan ein partner adeiladu, Grŵp Castlemead.

Ar hyn o bryd, rydym yn adeiladu dros 600 o gartrefi ar draws Cymru. Wrth iddynt gael eu cwblhau, byddant yn darparu tai hanfodol ar gyfer cannoedd o breswylwyr y mae angen iddynt gael eu cartref eu hunain.

Gorllewin Cymru

Hen safle Ship and Anchor yn Abergwaun

Hen safle Lidl yng Nghaerfyrddin

Gogledd Cymru

Bay View Road ym Mae Colwyn

Parc Technoleg Wynnstay yn Rhiwabon, Wrecsam

Cwrt Pentwmpath yn Llai, Wrecsam

Eaton Drive yn Wrecsam

De Cymru

Dau gynllun gofal ychwanegol newydd – Hafan Y Dderwen ym Mhenarth, Bro Morgannwg ac un arall yn Free Street, Aberhonddu, Powys

St Brides Road, Y Wig

Heol Y Pentir, Y Rhws