Gwella ein gwasanaethau

Gwneud gwelliannau am y chwe mis nesaf

Rydym bob amser yn chwilio am ffyrdd o wella sut rydym yn rhedeg ein busnes er mwyn darparu gwasanaethau gwell a mwy effeithlon.

Ar draws y sefydliad, mae gennym restr o feysydd allweddol lle’r ydym yn dymuno gwneud gwelliannau, ar sail eich adborth chi, er mwyn cynnig gwerth am arian i chi, a chynnig sicrwydd iddynt fod eu cartrefi yn ddiogel, yn gynnes ac yn cael eu cynnal a’u cadw yn dda.

Y rhain yw ein blaenoriaethau busnes. Bob chwe mis, rydym yn cyhoeddi’r rhain fel rhan o’n Strategaeth Cynnwys Preswylwyr, fel y gallwch weld beth rydym yn canolbwyntio arno. ⁠⁠

Ein blaenoriaethau ar gyfer y chwe mis nesaf

Atgyweiriadau a gwaith cynnal a chadw y gallwch ddibynnu arnynt

Rydym yn gwybod pa mor bwysig yw hi fod atgyweiriadau’n cael eu cwblhau’n gyflym, yn gywir ac yn para.

Rydym yn gwella’r ffordd rydym yn cynllunio ac yn darparu gwaith cynnal a chadw er mwyn:

sicrhau bod y person cywir yn mynychu gyda’r offer cywir

datrys problemau y tro cyntaf, lle bynnag y bo modd

lleihau oedi ac ymweliadau ailadroddus

Rydym hefyd yn gwella’r ffordd rydym yn rhannu gwybodaeth rhwng timau ac yn cydlynu apwyntiadau fel bod y gwasanaeth yn fwy effeithlon ac yn gweithio’n well i chi.

Taliadau gwasanaeth cliriach a thecach

Rydym yn deall y gall taliadau gwasanaeth fod yn ddryslyd ac nad ydynt bob amser yn teimlo fel gwerth da am arian.

Rydym yn canolbwyntio ar:

wneud taliadau yn haws eu deall

sicrhau eich bod ond yn talu am y gwasanaethau rydych yn eu derbyn

gwella’r ffordd y darperir gwasanaethau fel glanhau, cynnal a chadw tiroedd a gwasanaethau cymunedol

Rydym yn adolygu’r ffordd y caiff y gwasanaethau hyn eu rheoli er mwyn cadw costau’n deg ac yn fforddiadwy, gan gynnal safonau uchel ar yr un pryd.

Byddwn hefyd yn parhau i gynnwys preswylwyr mewn penderfyniadau am wasanaethau fel bod eich adborth yn helpu i lunio’r hyn a ddarperir.

Gwrando ar breswylwyr ac ymateb iddynt

Mae eich barn yn ganolog i’r ffordd rydym yn gwella.

Rydym yn ei gwneud yn haws i chi rannu eich adborth a chymryd rhan drwy:

darparu mwy o gyfleoedd i leisio eich barn

gwella’r ffordd rydym yn ymateb i’r hyn rydych yn ei ddweud wrthym

cynyddu’r amser y mae rheolwyr ac aelodau o staff uwch yn ei dreulio yn ein cymunedau

Rydym eisiau sicrhau bod eich adborth yn arwain at newidiadau a gwelliannau gwirioneddol yn ein gwasanaethau.

Eich cadw’n ddiogel yn eich cartref

Rydym yn gwella’r ffordd rydym yn helpu i gadw pawb yn ddiogel, fel eich bod yn teimlo’n hyderus yn eich cartref ac wrth i ni ymweld â chi. Mae hyn yn golygu sicrhau bod gan ein staff y wybodaeth gywir cyn ymweld, fel y gallant ymateb yn briodol a darparu’r cymorth cywir. Mae hefyd yn ein helpu i nodi’n gyflymach pryd y gallai fod angen cymorth ychwanegol arnoch ac yn gwneud disgwyliadau ynghylch ymddygiad yn ein cymunedau yn gliriach i bawb. Rydym hefyd yn gwneud gwybodaeth am ddiogelwch yn haws ei deall, fel eich bod yn gwybod beth i’w wneud ac yn teimlo’n ddiogel ac yn cael eich cefnogi yn eich cartref.

Deall eich anghenion yn well

Rydym yn dymuno sicrhau bod ein gwasanaethau’n gweithio i bawb.
I wneud hyn, rydym yn gwella’r ffordd rydym yn deall ein preswylwyr er mwyn:

darparu gwasanaethau mwy personol

darparu cymorth lle mae ei angen fwyaf

sicrhau bod cyfathrebu’n berthnasol ac yn hygyrch

Drwy wella’r wybodaeth sydd gennym, gallwn wneud penderfyniadau gwell a darparu gwasanaethau sy’n diwallu anghenion gwahanol.

Y Gymraeg a gwasanaethau hygyrch

Rydym wedi ymrwymo i sicrhau y gallwch gael mynediad at ein gwasanaethau yn yr iaith o’ch dewis.