Gwelir cynnydd yn nifer y tanau a achosir mewn tai yng Nghymru gan fatris lithiwm-ion.

Mae batris lithiwm-ion yn gyffredin mewn nifer o gynhyrchion yn y cartref, o ffonau symudol ac offer y mae modd eu gwefru, i e-feiciau ac e-sgwteri. Maent yn dal mwy o ynni na mathau eraill o fatris ond maent yn creu mwy o risgiau hefyd gan eu bod yn gallu arwain at danau a ffrwydradau hyd yn oed os byddant yn cael eu difrodi neu os na fyddant yn cael eu storio neu’n cael eu gwefru yn ddiogel.

Mae gwasanaethau tân ac achub ar draws y DU wedi adrodd am gynnydd dramatig yn nifer y tanau a achosir mewn tai gan fatris lithiwm-ion a’u teclynnau gwefru. Yn Ne Cymru, dros y ddwy flynedd ddiwethaf, cofnododd Gwasanaeth Tân ac Achub De Cymru 100 o danau a achoswyd gan fatris.   Roedd bron i hanner y rheiny yn ymwneud ag e-feiciau ac e-sgwteri.

Mae wedi peri i wasanaethau tân a sefydliadau diogelwch yn y cartref ar draws y DU rybuddio am y peryglon.

Os ydych chi’n berchen ar, neu’n ystyried prynu, cynhyrchion sy’n cynnwys y batris hyn, dyma bethau y gallwch chi eu gwneud i sicrhau eich bod chi a’ch aelwyd yn cadw’n ddiogel.